RECOMENDACIÓNS LECTORAS VERÁN 2021

Boas, amiguiñ@s!

Velaquí a selección de libros e xogos que vos recomenda a nosa querida Lola. 

Pasade unhas boas e ben merecidas vacacións, vémonos á volta!

FINALISTAS DOS 3º PREMIOS DE PODCAST "O VELLO DOS CONTOS"

Como moitos sabedes, durante este curso comezamos a practicar coa radio, animados pola convocatoria de varios concursos. Fixemos un primeiro podcast que se enviou a un concurso do que non fomos gañadores, e enviouse outro máis (versión 1B) para partipar no certame que vedes xusto encima. 

Para a nosa sorpresa, resultamos finalistas deste último, recibindo o premio da man do presidente da Real Academia Galega, Víctor F. Freixanes. Por suposto, isto supuxo un gran orgullo para nos. 

Pero o agasallo non foi só para nos. A parte máis importante do traballo, e á que realmente podemos considerar gañadora, foi a do noso alumnado, que co seu talento foi quen de facernos chegar así de lonxe. Esta é a rapazada que fixo posible este logro para o noso cole.

Pola súa entrega, a súa dedicación e o seu entusiasmo, todos recibiron un pequeno agasallo por parte do centro.

No certame agasalláronnos cunha escultura, un diploma e varios lotes de libros, que agradecemos moitísimo... aínda que o máis grande dos premios foi estar aí o primeiro ano que tomamos contacto coa radio, e contando con moi poucos medios. O ano que ven, máis e mellor, que vos vaia soando a tod@s "Lola nas Ondas". Esperamos que este só teña sido o comezo dun longo camiño cheo de ledicias...

Deixámosvos tamén aquí o programa de radio "premiado" para que o poidades escoitar. Esperamos estrear recuncho no cole e no blog, e que cadaquén poida escoitar os podcasts cando queira. Polo de agora, podedes buscarnos en Spotify e Ivoox.

Grazas, vello dos contos... e que viva o Cole do Coto!!!

Enquisas sobre o funcionamento da biblioteca

  

Ola a tod@s! 

Gustaríanos coñecer a vosa opinión de como foi o funcionamento da biblioteca este ano tan especial. 

Facede click na enquisa que vos corresponde para darnos de forma totalmente anónima a vosa opinión.

Grazas por participar.

Enquisa para familias

Enquisa para alumnado

Enquisa para docentes

DÍA DO LIBRO 2021

Un ano máis, celebramos o día do libro no CEIP O Coto. Aínda que dunha maneira diferente, a ilusión foi a mesma de todos os cursos.

Os alumnos adornaron os corredores coas recomendacións dos seus libros preferidos, e este foi o resultado:

Ademáis, coma sempre, fixéronse os apadriñamentos lectores, e uns grupos leron aos autros de forma virtual. Os nosos pequenos estaban moi agradecidos polo esforzo dos maiores, e así llo demostraron:

Deixámosvos aquí algunha mostra de lectura de alumnado de 6º de Educación Primaria. Esperamos que a desfrutedes!

DÍA DE ROSALÍA DE CASTRO

 Hoxe, o 24 de febreiro, celebramos o nacemento de Rosalía de Castro, e todo o colexio o facemos lucindo estas chapas tan bonitas. Grazas a todos os equipos do colexio.

LIBRO NOVO NA BIBLIOTECA

 Lola non pode estar máis contenta!

Temos un libro novo, e todo grazas á mestra Teresa Gil que nolo regalou.

Gazas Teresa!!

DÍA DA PAZ NO CEIP O COTO

Como xa sabedes, o día 30 de xaneiro celébrase o Día Internacional da Paz e da non Violencia. E no Coto ninguén está a favor da violencia, así que nesta ocasión convertímonos en científicos e científicas para fabricar vacinas do bo trato coas que loitar (pacíficamente) contra as situacións que non nos resultan agradables. 

Velaquí unha pequena mostra do resultado: despois de semanas de traballo, coidamos que o conseguimos.