NOVO EPISODIO EN RADIO LOLA

NOVO PROGRAMA DE RADIO LOLA - DÍA DA POESÍA

Feliz día da poesía dende o CEIP O Coto! 

DÍA DA RADIO - FORMACIÓN PONTE NAS ONDAS

 Onte, 13 de febreiro, foi o día mundial da radio, e a semana pasada estivemos aprendendo cómo empregala e sacarlle moito partido. Deixámosvos o audio de prácticas e algunhas fotiños da formación de nenos e profes.

DÍA MUNDIAL DA RADIO 2022

Hoxe, 13 de febreiro, celébrase o día mundial da radio. Este ano, ao acabar de entrar no programa "Radio na Biblio", temos que conmemoralo dun xeito especial. 

En primeiro lugar, debemos saber cómo se inventou a radio, que non foi cousa doada. Velaquí un pequeno video explicativo.

A continuación, deixámosvos un par de enlaces relacionados co día, que podedes visitar.

DÍA MUNDIAL DE LA RADIO 2022

DÍA DA RADIO BIBLIOTECAS ESCOLARES

FORMACIÓN DE RADIO NO CENTRO

Boas, queridiñ@s!

Como sabedes, este curso o noso centro uniuse ao programa "Radio na Biblio". Para poder comezar con bo pé, fixemos unha formación inicial impartida pola Asociación Cultural e Pedagóxica "Ponte nas Ondas" á que asistiu unha pequena representación de profesorado, e alumnado de 5º de Educación Primaria, que serán os encargados de transmitir os seus coñecementos ao resto d@s compañeir@s. 

Velaquí unha pequena mostra de como foi esta xornada de formación. Máis abaixo, podedes acceder ás primeiras gravacións que fixeron @s nos@s futur@s locutores/as.

NOME DA RADIO DO COLE

 Boas novas! Xa temos feito o reconto de votos!

LOLA NAS ONDAS ESTÁ DE VOLTA!

Se premedes no enlace de abaixo poderedes acceder ao podcast da nosa Xoaniña. Esperamos que vos guste moito!

LOLA NAS ONDAS TEMPADA 2 EP-01

LOLA NAS ONDAS: EPISODIO 2

FINALISTAS DOS 3º PREMIOS DE PODCAST "O VELLO DOS CONTOS"

Como moitos sabedes, durante este curso comezamos a practicar coa radio, animados pola convocatoria de varios concursos. Fixemos un primeiro podcast que se enviou a un concurso do que non fomos gañadores, e enviouse outro máis (versión 1B) para partipar no certame que vedes xusto encima. 

Para a nosa sorpresa, resultamos finalistas deste último, recibindo o premio da man do presidente da Real Academia Galega, Víctor F. Freixanes. Por suposto, isto supuxo un gran orgullo para nos. 

Pero o agasallo non foi só para nos. A parte máis importante do traballo, e á que realmente podemos considerar gañadora, foi a do noso alumnado, que co seu talento foi quen de facernos chegar así de lonxe. Esta é a rapazada que fixo posible este logro para o noso cole.

Pola súa entrega, a súa dedicación e o seu entusiasmo, todos recibiron un pequeno agasallo por parte do centro.

No certame agasalláronnos cunha escultura, un diploma e varios lotes de libros, que agradecemos moitísimo... aínda que o máis grande dos premios foi estar aí o primeiro ano que tomamos contacto coa radio, e contando con moi poucos medios. O ano que ven, máis e mellor, que vos vaia soando a tod@s "Lola nas Ondas". Esperamos que este só teña sido o comezo dun longo camiño cheo de ledicias...

Deixámosvos tamén aquí o programa de radio "premiado" para que o poidades escoitar. Esperamos estrear recuncho no cole e no blog, e que cadaquén poida escoitar os podcasts cando queira. Polo de agora, podedes buscarnos en Spotify e Ivoox.

Grazas, vello dos contos... e que viva o Cole do Coto!!!